Himalaya-salt upplausn – hvernig á að gera Sole (frb.solay)

Glerkrukka ca. 5 dl. með þéttu plastloki er hentugt ílát, setja góða botnfylli af Himalaya-salti og hálffylla með köldu vatni, blanda vel saman og láta standa ca. 12 tíma, ef ekki sjást kristallar eftir þann tíma, bæta við salti. Þegar saltið leysist ekki lengur upp er lausnin mettuð og tilbúin til notkunar.

 Saltið er ekki lengur salt og vatnið er ekki lengur vatn heldur er orðin til ný vídd. Þetta er semsé engin venjuleg saltupplausn heldur yfirfærð sólarorka sem hefur geymst í kristalformi saltsins í 250 milljón ár. Engin eiturefni eru í saltinu í fullu samræmi við frumhafið sem þeir mynduðust úr en í því er að finna 84 steinefni/snefilefni sem líkaminn þarfnast. Sagt er að sole upplausnin stuðli að eðlilegu sýrustigi líkamans og hjálpi að halda vatnsbúskapnum í jafnvægi og stuðli þannig að betra orkuflæði. Gott orkuflæði ásamt ,,réttu” mataræði kemur í veg fyrir stíflur og þar með verki og annað ójafnvægi. Þetta er notað eins og remedia, Hálf til ein teskeið útí glas af vatni á morgnana, gerir ótrúlega hluti. 
Tvær tvíblindar rannsóknir hafa verið gerðar á Himalayja-salti og set eg inn slóð hér fyrir þá sem kynnu að hafa áhuga

Virka nálastungur virkilega?

Nálastungur hafa verið til í þúsindir ára, þekkingin fluttist seint til vesturlanda frá Kína þar sem þær voru ásamt urtalækningum einu lækningarleiðirnar. Sumir eru efins og spyrja, virkar þetta virkilega? Reyndar virka nálastungur alltaf þó að þeir, margir hverjir, sem þykjast hafa einkarétt á vestrænum vísindum hafi reynt að tala þær niður vegna þess að virknin var ekki ,,vísindalega sönnuð”. Tekist hefur að sýna með ljósmyndatækni (Kirilian) að orkubrautirnar og orkupunktarnir eru virkilega þar sem þeim var lýst. Þar sem mannslíkaminn hefur rafmagnseiginleika og orkubrautirnar virka eins og hálfleiðarar, nokkurskonar hraðbrautir fyrir innbyrðis skilaboð milli fruma þá er hægt að mæla punktana á yfirborði húðarinnar því þar er minnst mótstaða. Það sem áður var einungis hægt að meta með því að skoða og þreifa (púls) er nú, þar að auki, hægt að mæla og meta hlutlægt.
Kínverskar lækningaaðferðir hafa verið undir smásjánni og til er töluvert af rannsóknum sem staðfesta gildi þeirra. http://www.ryodorakuresearch.com/references.php#1

Þessvegna er óþarfi lengur að efast, sannfærstu sjálfur og pantaðu tíma. 

 

Hættum að tala um að sjúkdómar séu ólæknanlegir

Hvaðan er þetta sprottið, varla frá almenningi eða sjúklingum, hvernig eiga þeir að vita að til séu sjúkdómar sem ekki er hægt að lækna. Nei þessi staðhæfing hlýtur að koma frá þeim sem sjálfskipaðir hafa tekið sér það vald að úrskurða um lífslíkur þó það sé gert með öðrum hætti nú en þegar þumalfingri var beint upp eða niður.
Ef læknir segir við sjúkling að sjúkdómurinn sé því miður ólæknanlegur er læknirinn að slökkva alla von og ,,boðskapurinn" tekur á sig form neikvæðrar orku í huga sjúklingsins og skerðir sjálfsheilunarkraft líkamans og þar með batavonina. Þetta gerir læknirinn auðvitað ekki af illmennsku, heldur af vanþekkingu. Það er talað um að við sjö ára aldur séu 90% undirmeðvitundarinnar forrituð, sem þýðir að við höfum tileinkað okkur það sem fyrir okkur er haft.  Við höfum lært að tala, ganga, hugsa, meðtekið  hluti sem eru nauðsynlegir til að komast af, þessi forritun  mun hafa áhrif hvort við munum ná árangri í lífinu.  Viðhorf okkar
til ímyndar okkar og til annarra  mótast á sama tíma.

 

Ef við verðum svo ekki sátt við þessi viðhorf seinna í lífinu.

Rannsóknir sína að það tekur 21 dag að endurforrita undirmeðvitundina og breyta gömlum venjum og að þetta verður aðeins gert með meðvituðu átaki. Það er mikilvægt að vita að þetta er hægt og hvernig á að fara að þegar kemur að því að breyta viðhorfinu um að til séu ólæknandi sjúkdómar og önnur þau viðhorf sem okkur hafa verið innprentuð  en seinni tíma reynsla hefur kennt okkur að séu röng.

Frumulíffræðingurinn Bruce Lipton 

sýnir fram á í bók sinni The Biology of Belief hvernig hugsanir okkar  og tilfinningar hafa áhrif á hverja einust frumu og hvernig þær ásamt umhverfisþáttum geta breytt þeim litningum sem við fáum í arf.  Sjúkdómagen sem koma frá móður eða föður eru þarna en þurfa ekki að verða virk ef við viljum það ekki  Þegar eg var að læra líffræði var okkur kennt að erfðamengið eða litningarnir stjórnuðu ÖLLU þar á meðal heilsunni og að utanaðkomandi áhrif hefðu ekkert að segja. Eg veit ekki til að nokkuð hafi breyst í líffræðikennslu þótt fræðigreinin Epigenetics hafi sannað sig.

Sannfæring um eitthvað og vissa fyrir einhverju eru hugsanir sem eru fast skorðaðar í undirmeðvitundinn

þeim verður ekki breytt svo auðveldlega, meðvitundin er sífellt á verði og reynir að koma í veg fyrir breytingar. Með einbeitningu og stöðugt jákvæðum fullyrðingum er það þó mögulegt ef viðkomandi er í andlegu og líkamlegu jafnvægi. Eldon Taylor er doktor í klinískri sálfræði hefur fundið leið að undirmeðvitundinni og framhjá hinni ströngu gæslu meðvitundarinnar

Aðferð hans er örugg og áhrifamikið og sú eina sem hefur fengið vottun hjá óháðum rannsóknaraðilum. Lýsing á tækninni og lista um rannsóknir má sjá hér.

Afstaða meðferðaraðila hvort heldur hefðbundinn eða óhefðbundinn hefur úrslitaáhrif.

Árið 1994 fengu 14 manns með krabbamein á lokastigi afhent sérstakt hljóðprógramm fyrir krabbameinssjúka, en  allri meðferð hafði verið hætt,   Bæði sjúklingur og  læknir þurftu að svara að hve miklu leyti þeir töldu að hugurinn hefði áhrif á batahorfur. Mjög mikil áhrif, einhver áhrif eða engin áhrif. Tilraunin stóð í 42 mánuði og sjúklingarnir áttu að hlusta eins oft og þeir gátu komið því við.  Eftir þessa 42 mánuði voru 8 dánir en 6 lifðu eða 43% sem voru á batavegi. Svona rannsókn hafði ekki verið gerð áður og því ekki hægt að gera samanburð. Það sem er þó merkilegt við þessa tilraun var ekki bara bati þeirra 6 sem höfðu verið sendir heim til að deyja, heldur einnig og ekki síst samanburður á svörum frá þeim og læknum þeirra við spurningunni um hugaráhrif á sjúkdóminn og batahorfur. Þar sem bæði sjúklingur og læknir voru sammála um að viðhorf og hugsun skiptu mjög miklu máli, voru allir á batavegi, ef lækninum fannst viðhorfið skipta mjög miklu en sjúklingurinn var hlutlaus eða neikvæður  þá var útkoman blönduð, en þar sem læknirinn var hlutlaus eða neikvæður þá dóu allir og skipti þá afstaða sjúklingsins engu.

Ef draga á einhvern lærdóm af þessu má segja að læknir/meðferðaraðili sem er áhugalítill um framför og bata þeirra sem leita til hans eigi að fá reisupassann.

Acupuncture merkir hvort tveggja, nálastungufræði og nálastungumeðferð.

Fólk sem vill fara í nálastungumeðferð hugsar öðruvísi um heilsuna en venja er í þessum heimshluta. Í líf- og læknisfræði eins og við þekkjum er ekkert sem jafngildir hugmyndinni um Qi og orkubrautir líkamans. Nálastungufræðin hafa umbylt grunnhugmyndum vestrænnar læknisfræði og minna á það að ekki er bara ein leið til að skoða heiminn.

Róandi áhrif

Fyrstu áhrif nálastungumeðferðar á líkamann, meðan nálarnar eru enn í og strax á eftir eru róandi, slakandi áhrif en þar á eftir fylgir meiri orka sem getur varað næstu daga jafnvel vikur. Hugurinn róast og þú verður hæfari að takast á við streitu hversdagsins.

Tengslin við náttúruna og áhrif á vitundina

Heimspeki nálastungufræðanna lítur á manneskjuna sem örheim í víðáttunni sem umlykur hana. Veðráttan og þær breytingar sem fylgja árstíðunum hafa áhrif á greiningu og meðferð. Þegar farið er að hugsa um heilsu með þessi atriði í huga og menn átta sig á hve tengslin milli manns og náttúru eru náin er það hvatning til að kynnast þessu sambandi betur. 

Maðurinn er þríein heild, hugur, líkami og sál. Einn þáttur í ójafnvægi hefur áhrif á heildina. Tilfinningalegt ójafnvægi getur komið niður á framkvæmdaorkunni. Með því að reyna að sjá sig sem heildrænt samtengt kerfi verður auðveldara skilja þetta. Nálastungufræðin jafnhliða meðferð víkka vitundina um það sem hugsanlega getur haft áhrif á líkamlega og tilfinningalega heilsu þína.

*

Nálastungur geta verið mjög árangursrík aðferð í að leysa svefnvandamál og að vera í nálastungumeðferð mun fá þig til að hugsa öðruvísi um mat. Hvort heldur þú ert á steinaldarfæði eða grænmetis, með glúten- eða mjólkuróþol eða þolir allan mat þá verður hægt að hjálpa þér með að velja hvort t.d. heitur eða kaldur matur passi þér betur og þetta getur verið árstíðabundið.

*

Hefðbundin læknisfræði vesturlanda er ,,annaðhvort - eða", annaðhvort ertu heilbrigður eða veikur, annaðhvort erum við glöð aða þunglynd, merkimiðarnir eru PLÚS eða MÍNUS, en á milli þessara póla eiga sér stað breytingar, stundum vel merkjanlegar, stundum minna. Nálastungumeðferð vinnur á þessu svæði og kennir okkur að taka eftir og bregðast við þessum breytingum innra með okkur og umhverfis okkur. Bara að taka eftir þessu er árangur og kennir okkur að þekkja líkamann og viðbrögð hans.

Það er ekki alltaf auðvelt að mæla með nálastungum þótt sífellt fleiri hafi kynnst þeim og enn fleiri sem vilja gjarnan prófa. Flestir læknar líta á okkar hefðbundnu vestrænu heilsugæslu sem hina einu sönnu og það sama gildir trúlega um flesta fjölskyldumeðlimi, vini og samstarfsfélaga. Linnulausar auglýsingar lyfjaauðhringanna ýta undir þetta viðhorf. Það krefst hugrekkis að fara á móti straumnum og í fyrstu kann þessi leið að virðast torsóttari til bættrar heilsu en þegar upp er staðið getur hún gefið mest. Við höfum yfir að ráða öllum þeim tækjum og tólum sem við þurfum til að láta okkur líða vel, samt fer eitthvað úrskeiðis og nálastungumeðferð er til að minna líkamann á gera það sem hann veit og kann best, sem er að virkja eigin lækningamátt. Þetta þýðir samt ekki að hefðbundnar aðferðir eins og lyfjameðferð eða skurðaðgerð eigi ekki rétt á sér, þær geta bjargað lífi. Það sem þetta merkir er að þín heilsa er undir þér komin og þegar kemur að því að bæta líkamlega og andlega heilsu þá erum við fær um að gera miklu meira en við höldum. Með því að nota meðferð eins og nálastungur og önnur skyld orkuverkfæri erum við að örva meðfædda heilandi hæfileika okkar og jafnframt gera yfirlýsingu um að þú trúir á sjálfan þig.

Myndband með Dr. Karen Kan

Eg vil hefja þennan bloggferil minn með að sýna myndband með Dr. Karen Kan sem er ein af mörgum vestræn menntuðum læknum sem horfið hafa frá hefðbundnum lyflækningum og snúið sér sífellt meir að svokölluðum heildrænum (holistic) aðferðum þar sem óhefðbundnar leiðir eru farnar í sífellt meiri mæli.  Hún hefur einbeitt sér að fólki sem þjáist af langvinnum verkjum og það spratt uppúr hennar eigin reynslu sem vefjagigtarsjúklingur.

Karen Kan vann til verðlauna í listhlaupi á skautum eftir að hún náði sér af gigtinni